_____________
يا ابتسامة فجر هلي
ارسمي الفرحة ف عينيه
وردي خدود الصباية
وفرحهيم يوم شويه
رجعي الضحة اللي راحت
وهاتي غنوة حب جايه
آه يا دنيا
وشوشي الودع وهدي
خالي الدنيا تبقى وردي
داوي قلب المجروحين
ف عيون الطيبين
حد ضامن بكره يفرح
أو يأمن يمشي منها
وجو قلبه كلمتين
وتحت عينه دمعتين
آه يا دنيا
آه يا دنيا حسي بيه
حسي لحظه باللي فيه
ليه
ليه بتأسي كتير عليه
فرحيني ودوري بيه
وجبيلي كمان هديه
خالي قلبي يعيش شويه
آه يا دنيا
عايزه أطير
عايزه أطير بهوايا واسرح
وانسى حزني ف كل مطرح
واسعي
واسعي للفرح حبه
وعطريه بالأحبه
آه يا دنيا
نفسي اخطي خطوتين
واملى قلبي بالحنين
عيشت يومي
عيشت يومي ونفسي بكره. انسى حزني ويبقى ذكرى
أو حتى اكتب أي فكره
تزيد ف قلبي دقيقتين
آه يا دنيا
نفسي اقول للدمع سيبني
ليه
ليه تملي معاك واخدني
ياريت يا بكره تكون سمعني
وتدق بابي بوردتين
ياريت يا حزن تكون ناسينا
ونقول يا فرح احنا استبينا
آه يا دنيا
آه يا دنيااا غداره
كنت فكره ان ممكن اعيش لبكره
من غير حزن،، وحيره ،،وفكره
اتاري الدنيا دواره
بتغدر كل يوم بينا
تاخدنا لفوق تطير بينا
ف ساقية دايره
دواره
لا عارفين امته تقف بينا
ولا حتى فين هترمينا
ف ارض بور مليانه شوك
أو زرعه خضره هتروينا
رايحه فين
رايحه فين يا دنيا بينا
ف اي لحظه بتبعينا
نفسنا
نفسنا ف يوم تشترينا
نمسك ف الدنيا بإيديا
ونقول يارب انت المعين
ونقول يا رب انت المعين
إيمان ذهني
