اكاديمية فن البوستات للإبداع

الثلاثاء، 30 مارس 2021

مساء الجمال ........... للشاعر / فرج السقا

مسحراتي ليلاتي ....... للشاعر / مجدي فرحات

مسحراتي ليلاتي

مسحراتي بنادي انا ليلاتي

يارب يا هادي رمضان كريم

خيره مرادي بانده واصحي

من كتر فرحي ع الصايمين

تلاتين يوم ع المدد عيشين

الخير جاري اصحى يا غالي

ف السحور بركه قال الهادي

شهر الباري شهر محبه ونور

أغلب شيطانك زيد إحسانك

خليك مكانك بقرأنك باذكارك

اوصل جارك كده في سلامك

انسا خصامك جدد في كتابك

خلي اعمالك بدعا بفعل وقول

اصلح دنيتك خير ربك هتنول

اصحى يا صايم وحد الدايم

اللي بيك عالم رمضان كريم

((( مسحراتي ليلاتي )))

كلمات

مجدي فرحات

كل عام وانت بخير

بعزي اللي عايش ....... للشاعر / شعبان الخضراوى

بعزي اللي   عايش
.......................
بعزي     اللي      عايش
وبهني   اللي        مات
وأقول   للي      عايش
خليك   وأشبع    أهات
.......................
بعزي       اللي      عايش
وبواسيه علي       حياته
لأنه        قاعد     وكاشش
أعمي     وملجم     لسانه
.......................
بعزي       اللي         عايش
لأنه       أرتضي    بالمحايله
وماشي   ناخخ     وكاشش
راضي ومبسوط    بالمذله
.......................
راضي      بذله    وبالأهانه
راضي     يعيش    مطاطي
حامد   ربه   علي    الفتاته
ويقول    بشتري     حياتي
.......................
بعزي         اللي      عايش
علي          لبس      القرون
وفي      ألأسطبل    فارش
نايم        كالعبد     الملعون
.......................
وبهني        اللي       مات
مرضيش   يعيش    أسير
ولايبقي     من     العاهات
ورفض يعيش خدام أجير
.......................
ورفض      يكون      دليل
ويلبس       توب     الغفير
ويكون      مرشد     ذليل
لشيخ        غفر      حقير
.......................
ومرضيش    يكون   جبان
ويلبس       توب   السكات
علي    الظلم    اللي    بان
حتي   لو   أتسحل   ومات
.......................
فوقف         في     الميدان
ولا خاف     من       سجان
ولا     قال    لسه      شباب
ولا أستخبي ولا كان جبان
.......................
عاش         ومات      بكرامه
وبقي      أسمه   من الثوار
وسجله     التاريخ     علامه
وبفضله       الظلم        غار
.......................
وبعزي       اللي          عايش
عايش      عيشة       الندامه
بيتحايل    علي      المعايش
وبيفتش     في         الزباله
.......................
وبهني         اللي         مات
لأنه عاش    حياته     وفات
ولا كان   يوم   من   العاهات
مات متكفن   بتوب الكرامه
.......................
بقلمي
شعبان    الخضراوي
شاعر عاشق الأحزان
20213/29الأتنين

رباعية .......... للشاعر / مصطفى عبد المجيد

بنت العم ....... شعر د. سمير خليل

اسبقي الخطوة ......... للشاعر / حسن السحماوي

الاثنين، 29 مارس 2021

القلب رق ........ للشاعر / إيهاب السقا

القلب رق،، وحن تاني
طب ،، دق،، يا ملوعاني
أصبحت طفل وواد صُغيّر
فَك مني وراح يعاني
قلبي أصبح له مساحه
مفتوح لُه باب علي ألف ساحه
كلمِة بحبِك فوق لساني
بس قوليها إنتي بسماحه
هتبقي سعدى وفوق كياني
عاوز أقولك كل حاجه وبصراحه
دخلتي قلبي
من كل حته
حُبك شعلل جوه قلبي
أرن شطه
اه ياغُلبي دنا قلبي
حَط حَطّه
وداب بسرعه وف ثواني
القلب رق
حن،،،دق
يا ملوعاني
،،،إيهاب السقا،،،

المسحراتي ........ للشاعرة / فيفي الجندي

شد حيلك يا مسحراتي حتتنا
يالا دور علي طبلتك رمضان قرب
بنستناك بلهفه بالغنا تكسب
نادي علي سعاد وشادي
يالا نجيب الفول ويا الزبادي
نادي علي سكان شارعنا
بالاسم الكل هايسمع
ايامك حلوة وبعوده ونكبر
قول وزيد يامسحراتي ياخفه
صوتك الجميل والله بيطربنا
وبنعيش ايام كلها بركة
رمضان كريم باين علي الجبهه
النور بيطل من كل شبابيكنا
يامسحراتي يازوق
حاسس بسكتنا
سكتنا نور تسعي للجنة
ويارب يشيل الخوف
والقلب يتهني

فيفي الجندي

ابن البلد ..... للشاعر / حامد شريفه

أنا المصرى ...... للشاعر / محمد عامر

مش قصدى أجرحك بكلمه

خلي نفسك مكاني وإحكمي بذمه

أحياننا المواقف ب تجبرنا

علي حجات أكيد مش بإيدنا

أهم شيء تعرفي إنك حبيبتي

وإللي يزعلك أكيد يتعبني

لو زعلانه أنا بجد أسف

لأني بحبك وعليكي خايف

طول عمرك ليا حافذ

وبقلبي وعيوني حاسس وشايف

عمرى أبداً مزعل منك

لأني عارف إني أهمك

طريق مشيناه وهنكمله

أنا وإنتي ولازم نتحمله

مش قصدى مش قصدي

أنا القلب الحنين أنا المصري

أنا المصرى

محمد عامر