النظارة الشمسية ............. للشاعرة / منال شيخ العرب

 

النظارة الشمسية

كنت مداري عيونك عني بالنضارة

وانا بتلهف يوم علي نظرة والا اشارة

اصل الشمس ماهيش حامية

ورموشك بالضل اهي رامية

خلتني مش شايفة عينيك

تتكلم وانا ارد عليك

اصل كلام العين جبار

بيهد ف اعلاها جدار

تحرمني من شوق العين

وهوانا الموصول باتنين

علشان شمبر بعدستين

لابسه عشان بتداري الشمس ؟!!!

لابسه عشان بتداري الشمس ؟!!!

والا تداري

الشوق الواصل بين قلبين ؟؟؟

منال شيخ العرب

 

وعجبي ........ للشاعر / محمد ابوالفتح

 

ساعات ........ للشاعر طه علي الدين

 

حد قالك .......... للشاعر الفنان / حمدى توفيق

 

قصيدة مهاجر ...... للشاعر / مصطفى عبد المجيد

 

قصيدة مهاجر

 

فــتنتني الشهرة والأضواء - - وحـب المظاهر

و فرحت بــمشاورة الناس -- لما يقولوا شاعر

غـزلت من الــغرور نجمة -- في اللـيل الساهر

في الإعــلام أظهر نــفسي -- فارس الــمخاطر

رقــصت الكــلام رقــــص -- بــــقـلــم ســـاحر

وسرحت بــخيـالي لــــبعيد -- وصنعت البشاير

غنيت على أوجاع الـــــبشر -- بـخبـث فـــاجــر

ولما الناس تســـقـفـــلي -- بكون في السما طاير

النهاردة بــــــعترف بذنوبي -- اغـفر لي يا غافر

وداعـــــاً أيتــــها الـــــــدنيا -- لربي أنا مـــهاجر

 

الشاعر مصطفى عبد المجيد

 

حكايتك أيه ............. للشاعر / سعد حماد

 

 

حكايتك أيه

وليه عني حاسك بعيده

جري مني أيه

مش بعوايدك تبقي وحيده

عمري مابقدر يوم علي زعلك

ولا دمعه تنزل علي خدك

لو لسه واخده علي خاطرك

من قلبي اللي عملها وألمك

لوتسمحيلي إني أنوب عنه

لوجرحك مكنشي قصده

هو دايب أكتر مني

طبع قلبي أكيد وأنا عارفه

إنتي حكاية حب أصيله

مستغناش عنك ولا ليله

عمري مابنسي ليالي زمان

كانت بتعدي عليا طويله

ماتهنتش بيوم في زماني

والفرح عمره مانداني

كل شيئ كان تايه عني

بس دموعي اللي عرفاني

كل طريق قبلك كان ضلمه

شفتك جات من سحرك همه

بقيتي عندي اغلي الناس

بان النور والأيام حلوه

لو تعرفي أيه علي بالي

نفسي في ضحكتك من تاني

أعرف إنك مش زعلانه

مني السماح ياأغلي مجاني

 

كلمات سعد حماد

 

دنيا غدارة .......... كلمات وتصمصم الشاعر أحمد شاهين

 

يارتنى ما اتجوزت ...... للشاعر / على أبو المجد

 

.. * يارتنى ماتجوزت*.. .... ..... ...... ..... ..

. يارتنى ما تجـــوزت .. ولا قلت ف يوم ياجـــــــواز

قال ايه كمان خلفت .. ولســــه قسط البوتا جــــــــا ز

مش عارف ألاقيها منين .. واللا الا قيها منين

دا كل حاجة بالدين .. وجبت خلاص انا جا ز

يارتنى ماتجوزت - - - - ولاقلت ف يوم ياجواز

**؟

مدارس ودروس خصوصية -.. عايزالها ياناس ميزانية

وشى كشاكيل واقلام .. عايزه ميت شهريــــــه

شغال شغلة واتنين .. مش قادر اسد الدين

وارجع آخر الليل .. مش طايل انام ساعتين

-------**؟-----

دنا مش طايق نفسى -.- ولاحاسس حتى بنفسى

حتى اللقمة اللى ف نفسى - - با بص عليها بالعـــــــين

وحق مراتى وولادى .. قلولى امتة وفين

انا خلاص مش عارف .. الاقيها بس منين

دا كل حاجه بالدين -------------- وجبت خلاص اناجاز

يارتنى ماتجووووزت -------- ولا قلت ف يوم ياجواز

**؟**

 

صدر المشاعر ضاق ............ للشاعرة / هدى النحاس

 

 

صدر المشاعر ضاق

ومعتش متحمل

قهر وأنين وفراق

أحاسيس بتتجمل

ضعفانة تفاصيله

وملامحه بهتانة

مطفيه قناديله

وأهي نارة ولعانة

ضغط الحنين صابه

متكهربه أبوابه

دا الكل فيه عابوا

بعد إما كان ترياق

(صدر المشاعر ضاق )

كان ليه فروع ياما

قصوها بنداله

سحابوه ل دوامه

مليانه زيف ورياء

برد المشاعر دفا

أمطارة تنزل شفا

محتاجة منا الوفا

والدقة ف الأشواق

قَدر يا ريت تقدر

تحفظ هوي مقدر

مكتوب ومتقدر

تكون ل دائه دواء

صوت الانين عالي

والدمع م الغالي

والفرح لو جالي

كأنه ضيف مشتاق

يا نظرة العشاق

صف الأمل لو فاق

يصرخ بجذع وساق

صدر المشاعر ضاق

صدر المشاعر ضاق

 

  هدي النحاس

 

من أرشيف البومات مجلة فن البوستات كل البوم يحتوى على مجموعة من الصور الموثقة