الليلة عيد .. للشاعرة / نسمة الصباح

الليله عيد

الليله عيد والناس فرحانه

ولابسه جديد وهى هيمانه

يا صبح صبح على الحبايب والخلان

قولهم غاليين عليا وبحبهم كمان

دا لوﻻ الحظر كنت روحتلهم اوام

يا صبح دنا جوايا غربه من زمان

بتونس بيهم وبأوﻻدهم كمان

ويا صبح روح للصحاب عرفهم واحكلهم عن غلاوتهم 

وقول جنه من غير ناس لا تنداس يا أحلى ناس

العيد عيدنا ولبسنا جديد وهنفرح وﻻزم يكون للناس اجمل عيد

نسمه الصباح

أغنية العيد ......... للشاعر / السيد خطاب

كل سنه والكل طيب

أقدم لكم النهارده ( أغنية العيد ) الجديدة

......

إفرحوا يللا .. وأشكروا ألله ( أللا )

إفرحوا يللا وأشكروا ألله

لبس ما شالله ف يوم العيد

إجرى وظقطط .. روح واتنطط

إجر وظقطط روح واتنطط

يللا اتشقلط إحنا ف عيد

عزه وأحمد .. داليا وأمجد

عزه وأحمد داليا وأمجد

دنيا وأسعد عايشين عيد

مصروف فكه .. فيه البركه

مصروف فكه و فيه البركه

علــُّــوا الضحكه الكل سعيد

***

رصوا الكعك مع البيتيفور

والبسكوت أنا بيه مسرور

ربى يعيده علينا سرور

ويفرحنا ف يوم العيد

شايله البنت ف إيدها الشنطه

وبتلعب كده حطه يا بطه

فرحانه وبتنط النطه

بتغنى أهو جانا العيد

***

العيد جمع شمل العيله

والأحباب عاملين هُلـّيله

مع أصحابنا الفسحه جميله

محلا اللمّّـه ف يوم العيد

يلا نعيش أحلى الأوقات

مع بعضنا لو حتى ساعات

والعوده ب يـُـمــْــن وبركات

وما يحرمنا ف يوم العيد

........

كلمات الشاعر السيد خطاب

فجأة ...... للشاعر / نبيل الورداني

فجأه لقيتنى ف مره بحب

يومها قالولى دا كان تسريب

قلت أراجع نفسى واحاول

يومها قالولى أكيد تعذيب

حتى سألت حبيبى ف قاللى

كنت بحاول الاقى طبيب

غصبن عنى عملت محاوله

مانا مش لاقى لقلبي حبيب

رحت أشاور واحد صاحبى

رد وقاللى ف حقك عيب

@ نبيل الوردانى @

عيد مبارك ..... للشاعر / عاطف صلاح

عيد مبارك

-----------

عيد مبارك ع الدنيا

وعلى كل الناس

الناس الغاليه اللى بتفرح

بس بإحســــــــــــــاس

إحساس بالحاله اللى ف عيدنا

مش عيـــــد وخلاص

حابين بَلَدّهـــــــــم وولادهــــم

عندها إخــــــــــــــــــلاص

بيحاولو يعيشوا ويتعـــــــــــــايشو

رغم الفيـــــــــــــروس

يصطنعو البسمه على وشوشهم

م هو أصله كابوس

بقا كل الفرحه اللى ف عيدنا

إننا عايشيـــــــــــــــــــن

عايشين والدور على مين باقى

م حناش عــــارفين

يــــــــــــارب قـــــــــــادر تسعدنـــــــا

وتفَرَّح قلبنا يوم عيدنا

ومن.الوبا حوش وابعدنا

يارب إحنا تعبنا خلااااااص

#عاطف صلاح#

احنا مصريين .... للشاعر / محمد سعدون

  احنا مصريين 

 بقلم الشاعر محمد سعدون

...........................

كنت مسافر حد سالنى -------- انت مصري ولا منين

قولتله مصري و ابويا مصري ------- شعبنا كله ناس حلويين

بلد نبينا موسي و عيسي -------- بلد الازهر والحسين

قال و اصحابك كل احبابك --------- يتبعوا مين

قولتله كل الشعب اخواتي ------- من الاقباط والمسلمين

جرجس مينا فاطمه و ----------- لينا كمان وحسين

ياما جرينا وياما لعبنا -------- وياما فرحنا ايام وسنين

ياما ذاكرنا. مع بعضينا -------- وياما قسمنا اللقمه اتنين

وياما مسحوا دمع عيوني --------- لما بكيت بدمع العين

انتي يا مصر وطنا الغالي ------- ومن مية نيلك شاربين

مهما يحاول كل أعدائنا ------- يفرقو بنا باسم الدين

جوه القلب ديما ساكنه ------- هنشيلك برموش العين

ياما شربنا مية نيلك --------- عمر بحاله بقلنا سنين

يا بلدي جميلك علي رسنا ------- بنقولها ومحنش ناكرين

مهما بعدنا مش هنسيك -------- مهما يحاول الملاعين

مهما يحاول الاشرار -------- يفرقو بنا. باسم الدين

كلنا واحد دمنا واحد ---------- لوطنا. كلنا عاشقين

محمد موسي جرجس -------- عيسي احنا ولادك مصريين

يا بحر ...... للشاعر / عادل الشريف

يا بحر

........

يا يم خدنى يمك

أشكيلك هموم يمى

أنا مال عليا الزمن

مالاقتش خالى ولا عمى

دنيا غريبة

والطبع فيها اتغير

لا فيها صاحب يرحم

ولا حد عليك بيسمى

وعجبى

............

بقلم عادل الشريف

شيخ العارفين..نوح ............... الشاعر /على عطية

 

شيخ العارفين..نوح

سلام الله عليك يا نوح

و فيك عطر الإيمان بيفوح

وكل زوجين بيدعولك

ويمشوا معاك لفين مطروح

و لو سالوك عن ربك

توحد اسمه وتكبر

وتنس اذاهم وتنادي

علي الغفار وتستغفر

و تدعي الله يهديهم

وهما الكفر فيهم اكتر

يغرق ربنا قلوبهم

قلوب في الجهل تستكبر

ولا بتسمع ولا بتبصر

لكن في الكفر تتحجر

خدتهم دنيا مغرورة

بكل ما فيها تستصغر

ونوح يحتمل كيدهم

و يبني سفينته و يكبر

بكل الواحها بتشيله

بأمر الله بتتحرر

بكل جوارحه مال لله

و سلم وجه للرحمن

بيركع جسده للعادل

وبيعينوه علي الأحزان

ويفضل ليله يناديهم

ويدعي الناس بكل لسان

سلام الله علي نوح

نجاة حتي من الطوفان

وترجع ارضنا صالحة

مصير الكون في كل زمان

و مهما يزيدوا أوجاعنا

بنتخلص من الطغيان

و يعصوا مهما يعصوا

لفين حيروحوا من الديان

سلام الله عليك يا نوح

صلاة الله من الغفران

مسحراتى ........الشاعر/ عصمت البيلي

مسحراتى   ........الشاعر/  عصمت البيلي

كل عام وانتم طيبين رمضان 2020

--------------------------------

مسحراتيْ منقرَّاتيْ مطبلاتيْ

وطبلتيْ بتقُولْ حكاياتيْ

مشِّيتْ ولفِّيتْ بلادْ يامهْ

وشُوفتْ جدعانْ ونشَّامهْ

(ونذرْتْ للهْ حياتىْ)

(وإسمعُوا منيْ ألآتيْ)

-----------

سُبحانْك

ياَّ صَّاحِبْ ألملكُوتْ

ياَّ خالقْ ألحياااهْ والمُوتْ

ومِيزْتْ ألإنسانْ بالصُوت

*

وجعلْتْ

ألبحاَّرْ فِى سْكُوتْ

ميتْهاَّا علِيناَّ تفُوتْ

وأسمَّاكْها ليناَّ قُوتْ

وألأرْضْ قبر للمُوت

*

ورمضَّانْ أمَّانْ

شهرْ للإحْسَّانْ

لليتِيمْ والغلْباانْ

والقعِيدْ والعياَّنْ

بدُوونْ شُرووطْ

*

حتَّى

ألطِفلْ فِى بطْنْ أمُهْ

(باعت لَبَنهْ بفًمُهْ)

وعاَّيشْ مبْسُوطْ

*

وحويْ ياوحويْ

ومددْ ياعدويْ

(رمضان كريم)

-------------

روحانيات رمضانيه بقلم الخال عصمت البيلي

(كل عام وانتم تمام ألتمام برمضان والصيام

دنيا الديابة ..... الشاعر سعد حماد

دنيا الديابه

قلوب بقت سوده عقول بقت غريبه

وسيه ومعتش طيبه الاخ بيموت اخوه

والابن بيعصي ابوه كان نفسي اشوف الخير

دنيا الديابه وياما الغابه فيها وحوش

إحنا الغلابه والدنيا ليه عالناس بتدوس

يا دنيا ليه بتجرحي وبتزلي فينا

وبقينا ليه يادنيا بناكل في بعضينا

بتعدي بينا سنين ماشين ومش راجعين

دا العمر ياناس بيفوت ومش هيرجع تاني

ياناس خلاص الرحمه كفايا زل فينا

والله كتير علينا اللي بيحصل لينا

تعبنا مالافكار اصعب حياه بنخطار

الطيبه راح زمانها وغابت عن الأنظار

الخير ليه بنوديه ياما كنا عايشين فيه

الله يسامح ناس شوفو وصلونا لأيه

كلمات سعد حماد

دموع وجراح ....... الشاعر حسن يحيى المداني

دموع وجراح

شعر / حسن المداني

الزمان / الحلو / مات

والزمان المر !! عاش

فات وقت السعد فات

حين طلق النار طاش

قاصدا قتل الحياة

في / قلوب / كالفراش

يانعااااااات مزهرات

باسمات لا عطاش

مات عهد الإنفتاح

في زغاريد الطيوب

من أماتتها الجراح

والمآسي والخطوب

والدجى لاك الصباح

تحت أنياب الحروب

آه !! من لدغ الرياح

آه !! من لسع الشحوب

آه !! من سيف الوشاح

فوق أنفاس القلوب

مزقت وجه الورود

مدية الشوك القتاد

داهمت نار الجحود

عشب وديان الوداد

أزقهت روح الوجود

ريح أسراب الجراد

من غزت زرع الخدود

عندما غطى السواد

الرواسي والنجود

والبوادي والوهاد

طيف ألوان الالق

بين أكوام الحطام

عطر وجدن الفلق

تحت أقدام الظلام

شدو أوتار العبق

في دهاليز السخام

همس أنفاس الورق

صادرت منه الكلام

سلطة ترعى الخصام

والمساوي !! والحمق