أنتِ فين . للشاعر / حسن السحماوي

قبل ما تنطق اسمها سمى .......... للشاعر / محمد سعفان

قبل ما تنطق اسمها سمي

................

قبل ما تنطق اسمها سمي

رب الكون زكاها

خلا الخير جواها

واللي دا خلها

يأمن شر الناس وياها

مصر دي بلدي

مصر أبويا وأمي

قبل ما تنطق اسمها سمي

اقرا تاريخها

اعرف ناسها

تلقي أساسها

أساس الدنيا بحالها

واللي ظلمها

عمره ما حس جما لها

ولا قا ل نيلها بيجري ف دمي

قبل ما تنطق اسمها سمي

........................  

للشاعر /محمد عبد الرحمن سعفان

مصر ي معجون بتراب مصر

أبحث عنك ..... للشاعرة / ايمان سعيد

أبحث عنك

وحيدة في طريقي بدونك

برد ينتابني في غيابك

رغم أشواقي الحارقة

برودة غيابك تكاد تقتلني

يعذبني حنيني

من شدة الأنين يأن قلبي

معذبي

في غيابك يعذبني شوقي

في وجودك أخاف رحيلك عني

يبكي غيابك دربي

يشتاق لحديثك وهمسك طريقي

وهبت لك فؤادي

قلقي و سهدي و أفكاري

لك وحدك تبكي عيوني

تشتاق للمسة منك يداي

مظلمة سمائي

يادائي و دوائي

بك أشعلت نيران حرب أوهامي

ولك وحدك وهبتك سلامي

يا طبيب روحي

و حياة فؤادي

وجودك يحييني

غيابك أضناني

💖إيمان سعيد 💖

معاني حروفي من وراء السحب..... للشاعرة / د. نايفه المشاقبة

معاني حروفي من وراء السحب

^^^^^^^^^^^^^

تصدح بالحق فوق السنة اللهب

فالله در عباراتها تعانق الشهب

كالجواهر ثمينة في وسط الكتب

فمن أراد منازلتي سيرى العجب

بنت الجواهر تخاطب بأدب

تعلوها غترة الأخلاق والحسب

أصيلة كريمة المنبت والطيب

روادها عشاق الشعر والأدب

يستقون منها منجم الذهب

يحاورون بها العجم والعرب

وبها تضرم أكبر الحروب

ونحل بها المسائل الصعاب

فمعاني حروفي تعانق السحب

وتأخذ الدر والياقوت من النجوم

والكواكب

لتنثرة علينا ونغوص في أعماقها

لنتعلم الشعر والنثر والخواطر

بعقل راجح وفكر نير لبيب

يحصل على الفكرة وينقلها لنا بعجب

يالها من معاني ذات معنى ومبنى

تعطيك صورة مكتمله للغة القرآن والأدب

زيدها يارب هيبة ورصانه

واجعل معاني حروفنا

ذات عز ومهابه بين الأمم

لتعلوا راية الحق والعدل

بين جميع الشعوب

^^^^^^^^

د.الاديبه نايفه المشاقبة

حب عمرى ... للشاعرة / مشيرة النقيب

     ❤❤حُب عمري❤❤

   *****

   مش كلام

دي حكاية من حكاوينا زمان

     قصة من حب وحنان

         ❤❤ 

      كنت طفلة مرة واقفة

    سمعت صوته بالمصادفة

    صوت حنين نبرة دافية

     من بعيد قلبي الصغير 

       شب وإتحرك مكانه

   حب يعرف مين صاحبنا

      حب  يتأمل  جماله

           يومها شوفته

     شب أسمر دمه خفة

     فجاة إتمنيت وصاله

   عيني مافارقت خياله

          هل دا حلم؟

أو بطل شوفناه في فيلم؟

  إسمه إيه ؟ماكنت عارفة

     بس صار الحلم واقع

  كان حبيبي وحب  عمري

  من بعيد وبدون مايدري

  صار نصيبي وحبه قدري

    مهما ألقى العمر يجري

     حبه عندي لسه باقي

    لسه ساكن جوة قلبي

      بنتظر يوم التلاقي

            في النهاية

      لما ربي هيجازيني

    بأحلى خاتمة للحكاية

     لما حبي يبقى جنبي

يبقى حلى م البدايةللنهاية

    دي حكاية حب عمري

  إللي عايشة سنين معايا

      ❤حب عمري❤

 ...................

للشاعرة / مشيرة النقيب

سكر نبات .... للشاعرة / منى عبد الرحمن

سكر نبات

كل الكلام بيفكرك بيها

كل الشوارع والنواصي والحارات

كل الكلام بيقول لعمر الحب هات

مخنوق انا

مخنوق انا من غير حاجات

كانت بتحيي الروح

تشفي الجروح

كانت معاني رُقَيَّقَة

زي البنات

كانت ف قلبي دايبة دوب

سكر نبات

تصبح تبات

وفحضن روحي مْرَوَّحَة

كل المشاعر مَرْوَحَة

لاجل الحياة تنفع تعيش

تبقى حياة من نبضها

والله كنت بقولها

إنتِ الحياة

من غير وجودِك السما

بتولد غيوم

والأرض من غيظها تلوم

ع العمر وعيون البشر

كل الخبر

إني بعيش

من نبض روحها وعمرها

واشهد لها

إن كيانها زَرَع كياني ف منتهى

منى عبد الرحمن

تحيا مصر . للشاعرالفنان / طه حنفي

حتي الدمع دموع تماسيح ............ للشاعر / محمود رجب

حتي الدمع دموع تماسيح

سمنه تشوف الشمس تسيح

كدب عيونك حتي سكونك

ف الغش معاك له تصريح

هنقصقص في شريط الذكري

وهنقدر ننسي علي فكره

زي ماقلبي غصبني يحبك

هأمرة ينسي بدون تلميح

وابدأ مشوار التصحيح

بعترف ان انا فيه اتأخرت

توهت ف بحر مفيش له شط

موجه الغادر صعب وقادر

زي سيجارة 🚬 طفاها الريح

..................

للشاعر / محمود رجب

حدانا عمار ...... للشاعرة / بتول العتربي

 حدانا عمار وقلب خضار

ودارى تملى ماتخلا من الزوار

ويصحى ولادى وأحبابى نقول ستار

يارب الكون يا مرتب لنا الأقدار

ح نتحمل شقانا نهار

ونتعشى دفا وأشعار

يفوت السائل فى يوم يسأل

ح نكرم أهله ووفادته

ونسقيه من لقى عينينا

معانى كتار

ولا نشكى ولا نحكى عن الأعذار

دا كرم الضيف أكيد واجب

ومن حقه وليه نحتار

يزيد الخير والنعمة كما الأنهار

.....................

للشاعرة / بتول العتربي

واتقابلنا ...... للشاعر / رمضان عبد الله

واتقابلنا

--------------

واتقابلنا في ليلة حب

كنا فيها متواعدين

والفرحة كانت بالقلب

دوًبنا فيها الحنين

والابتسامة ماليه الشفايف

فرحتنا كانت بالعيون

واطمن قلبي اللي خايف

واتغيرت كل الظنون

ليله كانت بالف ليله

لمعت فيها عيونا

والنسمة كانت عليله

وتاه فيها عزولنا

والنجوم غنت معانا

والقمر ويانا سهران

ورقصنا ياما على غنانا

وفرح بينا حتى الزمان

والدنيا فرحت وغنت

والاغصان علينا مالت

والورود لغنانا حنت

راحت لقلوبنا ونامت

ولبعضيها قلوبنا حضنت

ونسيت كل اللي كان

والعيون نامت وخضعت

ناسيه ساعتها كل الهوان

وفي نفس الليله ديه

وقفت ساعات الليل

وفرحت ايوه عينيه

والسهرة كانت ورديه

-------------

بقلمي / رمضان عبد الله أحمد