مهما قالوا ...... للشاعر / فهمي علي نصر

مهما قالو البعد راحة

للي قاسي عليه حبيبه

بعدي عنك و بصراحة

عمر مش قادر أسيبه

انتي بستان زهر غالي

فيه آمالي و بكره جي

ابتسامة مكتوبالي

و حلم فيا مالوهش زي

ليه قسيت و انا قلبي رادك ؟

ليه بقى اخترت البعاد  ؟

روحي هاجرت و ف معادك

شوقي ليك ف القلب زاد

مش هاقول لك امتى راجع

امتى يعني أقدر أشوفك

آه بعيد ...  بس انت سامع

بس انا مقدر  ظروفك

........................

للشاعر /  فهمي علي نصر

أنا فوقت ... للشاعر / خالد عاطف ابوالعزم

أنا فوقت آه .. لكنِّى مش مظبوط  

نفسى اتسَطَل وارجع أعيش مبسوط

مربوط بعقلى ونفسى اتوه عنّه  

والدنيا دايماً .. تضرب المربوط

........................

للشاعر / خالد عاطف ابوالعزم

قتلنى الشوق ..... للشاعر / رمضان عبد الله احمد

قتلني الشوق

قتلني الشوق إليك

وحنيني واخدني ليك

وطال عليا الليل

وياما ندهت عليك

ندهت عليك كتير

ياريتك سألت. فيا

شاطر تبعتلي طيفك

قال أيه بيغير عليا

بتغير عليا ازاي

وتروح . وتنساني

من لما قولت باي

أنا وحدي بزماني

حرام عليك كده

تبعد وتنساني

واشكي لدا ودا

شوقي وحناني

................... 

 رمضان عبد الله احمد

لم يكن في خاطري ..............للشاعر ايهاب السقا

ابتسامتك ..............بقلم Sabah Abdullatif

ابتسامتك

ابتسامتك يتكتب فيها مواويل

ولا الفروله اللي على الشفايف

ولا الغمازه اللي على الخدين

ياللي قمر شاف ضحكتك

زعل ومشي وقال مش راجع

كفايه قمركم اللي ساطع

منور دنيتكم واروح انا فيه فين

ولا الرموش الدباح اللي يشوفها يقول سكاكين

ولا العيون الفضاحه اللي ماتو فيها مساكين

ابتسامتك هي حياتي .ابتسميلي كتير يا حياتي

ابتسميلي كتير كتيرخلي الحزن يهرب و يغير

نفسي تكون ضحكتك عاليه ياشمسي يا قمر ي ياغاليه

اوصف فيكي ايه ولا ايه يالي حبك في قلبي مالوش مثيل

هكذا هو الحب .............للشاعر صابر فرج ياسين‏

هكذا هو الحب كالسير على الجمر

فلا تُثقل على نفسك فى الاننباه لخطواتك

فكل خطواتك تحمل نفس الالم

وإن رفعت قدمك لتستريح

ستجد نفسك سريعا لتضعها لتُريح الأخرىش

وهكذا لن تجد أى راحة

#هكذا-هو-الحب

فن البوستات .... للشاعر الفنان / أشرف سعد

إهـــــــــــــداء لإدارة وأعضاء (( فــن الـبوســـــتـات )) عرفانا بما تقدمه لنا

مـن إبداعات ومن موضوعات ترقى بالشعر والثقافة بمصر والوطن العربي

ياابو غمزه وشامه .. للشاعر / ابراهيم شيمر الجندى

ياابو غمزه وشامه ع الخد

والله بحبك وبجد

وانا غيرك مابحبش حد

بس انتا فكر إوعدنى

أنا والله مالى غيركم حد 

ياابو شامه على وش جميل

ومنور لى وسط الليل

انا نفسى فى الحب دليل

يسعد قلبى ياناس وبجد

أنا والله مالى غيركم حد 

ياابو غمزة وعيون سحاره

نفسى اعرف للحب اماره

ياما شوفت ضحايه وسكاره

وانا خايف م الحب اتهد

أنا والله مالى غيركم حد 

...........................................

 للشاعر /  ابراهيم شيمر الجندى 

فن البوستات ...... لفارس الكلمة أ / حسن السحماوي

مصر ...... للشاعر / حسن السحماوي

 أَيًّا مِصْرُ, يَا أَرْضُ الكنانة 

فَأَنْتَ إِلَى اللهِ أَقْرَبُ للِسِيَادَة 

فَكُنْتُ الحُصُنَ لِلرُّسُلِ الكِرَامِ 

وَكُنْتُ المَهْدَ مِنْ رُوحِ الشَّهَادَةِ 

لِغُصْنٍ الَّتَيْنِ وَالزَّيْتُونُ طَوْعًا 

لِطَوْرٍ سَيَنَيْنَ تَرْنِيمَةٌ لِلعِبَادَةِ 

فَتُشَرِّقُ بِالنُّورِ كُلَّ اِلْمَعَانِي 

وأِرْض طُهُورًا إِلَى يَوْمِ القِيَامَةِ 

..........................................

للشاعر / حسن السحماوي