احزان خريف العمر.............. ‏عفاف سعده‏.

الخراب نزهه وزينه.......................للشاعر Yousry Osman

الخراب نزهه وزينه

المرار مكتوب علينا

احنا اول ما ابتادينا

قالوا ديل الحره عار

اشربوا يا هل السفينه

جالنا من اقصي المدينه

حي حر ايديه امينه

ركبوه بعكس الحمار

المرار مكتوب علينا

احنا اول ما ابتادينا

قالوا ديل الحره عار

اشربوا يا هل السفينهش

جالنا من اقصي المدينه

حي حر ايديه امينه

ركبوه بعكس الحمار

قلبـى الآن يتكلــم ..................بقلم .. ✍️️ محمد مدحت عبد الرؤف

 قلبـى الآن يتكلــم 

يا من ملكت الروح و القلب و الذات ...

يا من كنت لى الحبيب و الأهل و كل الحياة ...

كم كنت أتمنى أن لا تفرق بيننا المسافات ...

و لا تجمع بيننا الآلام و الندم و الآهات ...

فكم تنساب من عينى لفراقك الدمعات ...

و تتوه من بين سطور دفاترى الكلمات ...

و كم فى بعادك تؤرقنى المعاناة ...

و إليك اليوم أقوم بكل الإعترافات ...

فحبك فى قلبى منذ عرفتك حتى غدى الآت ...

و أعترف بأنك كل شئ فى حياتى حتى الممات ...

و إن عشقى و غرامى لك ستروى أحداثه الحكايات ...ش

أرجوك أن لا تشعل نار الفراق و تزيد من المأساة ...

فحبك فى قلبى باقى يملؤه النسمات و البسمات ...

بقلم .. ✍️️ محمد مدحت عبد الرؤف

 Mohamed Medhat 

لا تجزعي.................للشاعر #سميرمحمود

لا تجزعي

إذا الكلابُ تطاولت

وعند بابكِ ثرثرت

وبالجهالةِ عبرت

لاتقلقي لاتفزعي

..........

لاتجزعي

إذا السفيهُ إليكِ جاء

والقلب يعلوه الرياء

يهجو ويخطب باستياء

جودي بشمسكِ وإسطعي

.............

لاتجزعي

فمثل هذا لايضر

فالجهل فيه مستقر

كغيم عابر قد يمر

فلا تبالي وتسمعي

.................

لاتجزعي

فالفأر يلتزم الجحورش

وقليل لو كان الظهور

وأنتِ مشكاةٌ لنور

وجميعنا يعلم ويعي

#سميرمحمود

اخرتها كده...........بقلم الشاعر #سميرمحمود

اخرتها كده

ترميني بره جنب حيط

وانا اللي ياما ليك راعيت

وقاسيت لحد منتا جيت

ياريتني ياابني كنت مت

............

ياريتني ياابني ماشيلت همك

ومكانش قلبي مرة ضمك

ولا كنت من طينك ودمك

و كنت على بعدك قدرت

................

ايه بس مالك ياضنايا؟!

معقولة دي تبقى النهاية؟!

داانت إللي راضع من هنايا

وانا اللي من غدرك شربت

...............

دانا عمري ياابني ماخذلتك

ولا عمري يوم بعتك وسيبتك

وفي نن عيني ياما شيلتك

وقاسيت عشانك ياما دوقت

...............

وياما حملك كان تقيل

لكني كنت معاك بشيل

ولا عمر قلبي كان بخيل

ولا اشتكيت ولايوم زهقت

.................

وعشان مترضي يوم مراتك

بسهولة تلغيني في حياتك؟!

من ذنبي راح تاخد جزاتك

وساعتها ياابني هكون رحلت

...............

روح و كتر الف خيرك

هداري المي وأشكيه لغيرك

ومادام بعادي يرضي ضميرك

أديني ياابني خلاص بعدت

#سميرمحمود

الدمعة.....................بقلم فخر اليوسف

الدمعة

تسكن الاحداق

وحروف الحزن

تغفوا على الاوراق

وكأس الحياة تنضح

بمداد اقدار مرة

المذاق

يتجرعها كل حر

للعدل مشتاق

كل عاشق حكم

على قلبه بالفراق

فبأي الاء الغربة

ترتل حلمك ايها

المشتاق

وبأي آيات الصبر

تدثروا شرودكم

ايها العشاق

وجرح الزمان

بين كفر البلسم

وضماد عاق

في صدورنا

باق ..باق..باق

@@

السادن الاممي

يلوح بالفيتو

في الرواق

وسادن الحي

بهلوان دعي

لنقاء الحلم

سراق

والارواح على

مسرى الخلاص

في حراك شاق

ومنفذ النجاة بابه

محكم الاغلاق

والحلم قد رحل

عن معاقله

وسكن الافاق

والوطن حطام

حجارة تؤنس

غربة الاطلال

والوجد يترنح

في كل زقاق

وتبعثر في

مشارق الارض

ومغاربها

الاهل والاحبة

والرفاق

فإلى الله

الواحد الخلاق

نشكو حملا

اثقل كاهلنا

لايطاق

ففي الظلام الدامسشش

الى نور الله

تشرئب الاعناق

...بقلم فخر اليوسف

(الكابوس)...................بقلم رضا ابو شنب

 رضا ابو شنب

(الكابوس)

في يوم كنت نايم

وجاني الكابوس

سمعت الغلابه

بتطلب غاموس

وشفت الديابه

في أيدها الفلوس

وشيخ كان بيدن

ويدي في دروس

وشفت المدرس

بوشه البشوش

بينده علينا

يقول متناموش

ونرفع ايدينا

ونعمل وحوش

نحارب خيالنا

وفوقه ندوس

وقلنا مسيرنا

نهش الناموس

سرحنا بخيالنا

جمعنا الجيوش

قرينا في كتابنا

فتحنا القاموس

وفجاءة انهزمنا

وضاعت نفوس

وصوت من داخلنا

يقول متخافوش

مادام مصر تحيا

يموت الناموس

نسيت المذاكرة

كرهت الدروس

وكل اللي قالو

قياما جلوس

وشفت اللي غاوي

يساوي الرؤوس

يقول اشتراكي

وشئ معرفوش

ومين فينا باقي

ومين راح يدوس

ومين راح يعوض

ضعاف النفوس

وشفت الصحافة

تدق الدفوف

بتمدح في خيشة

وتدبح خروف

وترمي الطحينة

في بحر الحروف

وخلو المبادئ

تساوي الفلوس

وشايف في نفسي

مجرد زعيم

بكلم في نفسي

وعامل لئيم

اخاف يسمعوني

يقولو بهيم

ولو يمسكوني

تلف التروس

يقولو حرامي

يقولو جاسوس

وكافر بدينه

وزي المجوس

هنلعن سبيله

وياخد لبوسش

ولو يشتكينا

تطير الرؤوس

جريت كنت خايف

قابلت الناموس

قرصني في أيدي

لاقيت جنبي سوس

جريت رحت اصلي

وبحمد وابوس

في أيدي ورجلي

وكل الخصوص

واقول كان منايا

اشوف الفلوس

واراجع في نفسي

وكل الدروس

وليه يبقي ذنبي

اعيش الكابوس

ـــــ👁 المولد النبوي الشريف 👁ـــــبقلم .. ✍️ محمد مدحت عبد الرؤف

ـــــ👁 المولد النبوي الشريف 👁ـــــ

يا خير خلق الله كلهم ...

فى يوم مولدك تشحذ الهمم ...

و نسير على خطاك يا شفيع الأمم ...

يا منقذ البشرية من الفساد و الظُلمِ ...

يطيب بذكرك النفس و الروح و الفـم ...

يا غالى المقام يا عالى فوق اعلى القمم ...

بمولدك ملآت الكون ضيــاء ...

يا كاشف عن الأمة البــلاء ...

يا رسولنا يا خاتم الأنبياء ...

عليك صلوات الله و الناس جمعاء ...

سيدى يا محمد يا أبا الزهراء ...

يا من ندعو الرحمن فى العلياء ...

أن تسقينا بيدك الشريفة شربة ماء ...

بقلم .. ✍️ محمد مدحت عبد الرؤف

Mohamed Medhat

لما جيت أركب قطار.............للشاعر #سميرمحمود

لما جيت أركب قطار

جم قالولي متركبوش

أصل إنت من الصغار

والمكان ده للوحوش

..............

طب قولولي أعمل إيه

غصب عني ركبت فيه

وجيبي فاضي معادش فيه

إنتوا ليه مبترحموش

............

انت برضو إللي غلطت

يلا خد بعضك ونط

مش مهم إن حتى مت

إحنا ناس مبيفهموش

...............

طب سامحني ابوس إيديك

وأدعي دعوة حلوة ليك

داري ضعفي الله يجازيك

خد بإيدي عني حوش

..............

متحاولش معايا تحكي ولا تشكي او تقول

متحاولش مش هسيبك حتى تحلم بالوصول

يا إما تدفع غصب عنك او نزول

ياإما تاكل كام شاكوش

..............

يلا روح وإركب حمامة او حمار

متحاولش تاني تعمل م الكبار

القانون هو القانون ومفيش هزار

وإللي زيك ما إختشوش

................

يعني ده آخر كلام يرضي سعادتك

مش هترحم ولا حتى يرق قلبك؟!

لو هترحم في النهاية هترضي ربك

ولا ناوي مترضيهوش؟!

...............

أديني نازل يابلد وانا مش مسامحك

مين إللي صاينك يا بلد ومين اللي جارحكشش

شبعت فيكي م الغلط مش لاقي صحك

وحقي فيكي مبلقاهوش!

#سميرمحمود

لسه عاشق للبلد دى..............للشاعرة بتول العتربى

لسه عاشق للبلد دى

لسه فيه عندك ضمير

لسه كلمة حلوة ليها

تبقى منك مش كتير

لسه باقى ع المحبة

حب وافى مش كسير

انتفض ياللا وقولى

أنت فيها مش أسير

دا انت لما تسيب علامة

خلق ياما راح تقول

هوه دا ابن الأمير

صنها فى عينك تمللى

حتى لو كنت الفقير

يكفى انك من ترابها

وفى سماها كنت طير

تتمدد أنت فى بساطها

تكرمك لو ع الحصير

ياابن بلدى كلمة منى

حطها فى قلبك وسير

زى يلدك يوم ما تلقى

ضلها كان كله خير

شعبها عنقود وشايل

جوه منه خلق غير

تعرف الأشواق وليها

فى المداين ميت غفير

يرعى البلد إللى ربتش

واللى كات عليك تغير

واللى غطت واللى صدت

واللى ماتبيع الكبير

# بتول العتربى