مجلة ثقافية أدبية فنية
الثلاثاء، 1 أكتوبر 2019
اغنيه بعنوان((انا سعيدة)).........الأديبة جيهان الطنطاوى
اغنيه بعنوان((انا سعيدة))
انا سعيده انا سعيده
حبك خلانى سعيده
بدقة قلبك تنهيده
راحت عنى بعيده
دقه دقه عليا عنيده
فرحتى بيها
فرحتى بيهاأكيده
آه لو كانت منى قريبه
آه آه انا سعيده
ياشاغل قلبى وعنيه
اديتك قلبى هديه
ياشاغل قلبى وعنيه
اديتك قلبى هديه
أمانه ماتفرد فيه
وبقلبك نادى عليه
تلاقينا ادامك جايه جايه
آه آه أنا سعيده
حبك دنيا جديده
اتمنتها ليالى طويله
آه آه ياأبو العيون
السود الكحيله
ماخليت ف حبك حيله
إن كنت شمشون أنا أنا دليله
فى حبك انا انا أسيره
آه آه
والناس عاملوا حبنا سيره
آه آه يانا آه ياسعيده
بقلم✏ الأديبة جيهان الطنطاوى
رغما عني و رغما عنك...........للشاعرة إيمان سعيد
رغما عني و رغما عنك
شاء القدر كتب علي قلبي حبك
و للاسف فرضت علي قلبي الحياة فراقك
افترقنا ومازال القلب ملكك
انهارت أحلامي لكن مازال يداعبني طيفك
أعلم جيدا اني هنا من أجلك
دوما ستجدني بجانبك
أحميك أساندك
ان لم يكن الحب نصيبي
وحكم القدر ألا تكون حبيبي
فأنت دوما ستظل صديقي
في السراء والضراء بجوارك ستجدني
💖 إيمان سعيد 💖
ورد الجناين..................للشاعرة حنان محمد الحسيني
ورد الجناين
*********
همه دول ورد الجناين
اللى ضاحوا عشان نعيش
همه دول اهلك يا غاالية
إحنا جنبك ماتخفيش
م البداية وانتي أمة
ليكي شعب واقوي جيش
مستحيل نقبل اهانة
كل يوم نبني بمكانة
واللى بيكي يستهين
مستحيل ابدا يعيش
علي راية النصر ديما
بكره جاي وبكره احسن
الولاد مدين اديهم
واللى فات ميهمكيش
حنان الحسيني
ياحلاوة الواد المصري...........للشاعر Wahba Elbohy
ياحلاوة الواد المصري
ياحلاوة الواد المصري
لما يتكلم حصري
عن بلده ويقول دوغري
دى أحلى بلد ياناس
فيها العيش والطعمية
والفول أبو دقية
وطشة الملوخية
ومعاها لحمة راس
وجبنة وفول حراتي
أجيب م الغيط يوماتي
اتعشى أنا ومراتي
ويوم ويعدي خلاص
وتشرب مية نيلها
وتغنيلها مواويلها
ولو عدو يجيلها
هاقطع رقبته بفاس
ونا باقول بالمصري
ولكل واحد مصري
أعرف بقة يامصري
إن إحنا أجدع ناس
وقت الأزمة تلاقي
ميت مليون فدائي
اتفقوا على التلاقي
وقالوا ع العين والراس
ياحلاوة الحرف الراقي
يتسرسب يملا سواقي
تروى أرض شراقي
تطرح مانجة واناناس
دا حبة رمل فيها
تسوى الدنيا ومافيها
ورب الكون حاميها
وطاهرة م الأنجاس
ياحلاوة الواد المصري
وهبه البوهي
ياوطني........................للشاعر مستر رمضان عبدلله
ياوطني
ياوطني ولدت فيك...
تربيت تعلمت عشت.
وحين الخوف اناديك
اعيش الامان مادمت
كتبت فيك ماكتبت....
ولحقك ماوفيت ...
فيك نلت الاماني ...
وكل ما تمنيت..........
لي فيك الذكريات
هي بالفؤاد تسكن
والاحلام والأمنيات
في النفس تكمن.....
عشت لنا حرا ياوطن
وعشنا فيك احرارا
نحميك وقت المحن
ان سال الدم انهارا
******
بقلمي / رمضان عبد الله
الاثنين، 30 سبتمبر 2019
بشكي همومي إليك........للشاعر Samir Mahmoud
بشكي همومي إليك
وأبكي على بابك
وفى كربتي بناجيك
تقبلني فى رحابك
................
عشمان أنا فى رحمتك
ومنايا أشوف جنتك
إرويني بمحبتك
وإهديني بكتابك
..............
ربي أنا عبدك إرحمني يا غافر
نفسي أنول ودك نفسي ومش قادر
نفسي أكون عندك واحد من أحبابك
................
جيتلك يا رب وجيت زعلان على حالي
من الذنوب مليت ودموعي راس مالى
جيتلك يا ربي نويت توبة فى محرابك
.............
نادم انا نادم غلطان ومين يعصيك؟!!!!!!!!!
خسران وميت واهم اللى ما فكر فيك
خسران ومش فاهم اللى فى يوم سابك
بقلمى |#سميرمحمود
.... بيودعوك ياشهيد ....بقلمي الفلاح الفصيح معوض حلمي
مربعات الفلاح الفصيح
.... بيودعوك ياشهيد ....
................................
عريس وبدلتك كاكي
حارس للكمين صاين
راكب للجنه ملاكي
والأجره يدفعها خاين
روحك شالوها وزفوها
ملايكه نور على نور
وعروسة الحور جلوها
والكوشه نور مبدور
دمك ع التراب طارح
روايحه مسك وعنبر
السيره ماليه المطارح
كيف الهلالي وعنتر
جهزت سرجك مشيت
نسيت تسلم على امك
زرع الفراق حواديت
يرويها .. دمع .. امك
عجنا .. ليك .. حنه
نسيت ..تحني ..إيديك
حسيت .. هوا .. الجنه
شدك .. وحنى .. عنيك
الحزن .. هد .. اختك
والبرد .. شق .. جروح
كان .. الدفا .. حضنك
كنت .. الدوا .. للروح
واقف في العزا خالك
بيقول .. عليك .. عايش
لابس .. ياواد .. شالك
والكاب..معاه .. والقايش
تعالى .. شوف .. عمك
الدمع .. شق .. الخدود
هو ..اللي .. شال .. همك
وحزنه .. عدى ..الحدود
كات جيتك ، دوا اخوك
رتب .. سريرك .. وصاحي
خانوا .. العهود .. دوخوك
بعيارصابوك وانت صاحي
كل .. البلد .. طلعت
كل .. البنات .. زغاريد
كل .. الشباب .. غنت
بيودعوك ....... ياشهيد
وعيالنا .. رغم .. الويل
واقفين .. قلوبها .. حديد
شايفينا جيل ورا جيل
الإيد .. تشد .. الإيد
دمع .. الفرح .. تأويل
والحزن .. أصبح .. عيد
يابلدنا .. شدي .. الحيل
هاتزفي .. بكره .. شهيد
يابلدنا .. شدي .. الحيل
هاتزفي .. بكره .. شهيد
..............................
بقلمي الفلاح الفصيح
معوض حلمي
الاشتراك في:
الرسائل (Atom)
فن البوستات كمال العطيوى
-
تحليل وشرح لحن قصيدة ( دعاء الشرق ) كلمات / محمود حسن إسماعيل ألحان وغناء / محمد عبد الوهاب اللحن والموسيقى من مقام (الرست) ال...
-
إسمحي ف حضرت جنابك أعترفلك بالحقيقه قلبي أهملتيه ف سابك وانتي ماطلعتيش بريئه إدعيتي إني إنتهازي وإني ظالم وإنحيازي وف غ...
-
تغريدة الشـــــــــــــعر العربي السعيد عبد العاطي مبارك – الفايد ( مصـــــــــر ) ----------------------------...
-
اهداء بمناسبة شهر رمضان الكريم وكل عام وانتم بالف خير شرح وتحليل لحن ( رباعيات الخيام ) على وزن بحر(السريع والخفيف والرجز) ع...
-
أنا وقلبي وأنت بقلم // سليمان كاااامل .... ********************** يهتز طربا حين لقياك يهيم وجدا بنور رؤياك ........ أقول ...
-
قالــــوا منيــــن الأمـــــل أنــــــا قلـــت من سينــــا وقــــالوا ايــــه العمـــــل انـــــا قــــلت ما نســــينا ... -
الشاعرة / إيمان محمد انا العاشقة لأيامه و ما أزعل مرة لملامه وكل شيء له ...
-
قلت لهم ذات يوم اني أصلي إماما بالقمر كذبوني وقالوا مجنون علمت بأن قلوبهم كالحجر وبلغوا أرذل العمر لكنهم لا يعشقون .......................... -
أمر عادي اللى بينى........ وبين بلادى شيئ طبيعى.... وأمر عادى يعنى عادى...... ألقى نورها جوه شريانى......... وفؤادى م الطبيعى....... أبق... -
في قريتنا ديك بيأذن ولابيصليش ديكنا بيحضر كل أوان لما نكون عاوزين إنسان يمثلنا لاجل نعيش ديكنا يأذن تلاقي دجاجاته واقفه وراه ونافشه الري...
