أنا قلبى حصان ........... للشاعر / نسر الغلابة

أنا قلبى حصان للريح والزمن خيال  

مابين بكى وتفاريح بنسج خيوط موال 

أنا اللى قلبى عليل مجروح وبيدارى  

لكنه تايه عويل ومعندوش كلام يتقال  

 وعجبى 

............... 

بقلم / نسر الغلابة

الضمير .............. للشاعر / محمد عامر

  الضمير  

.......... 

يلي .. بعتم .. ضمائركم

كفايه.. بقي.. انكسار

بوصوا.. بقي.. لحالكم

خليتوا.. العيشه.. مرار

واعملوا بقي لأخرتكم

دا فيه جنه وفيه نار

الظلم ..مش .. هينفعكم

وأنتم .. بقي .. أحرار

هيقعد ليكم و لعيالكم

زي ما فيه ليل فيه نهار

نصيحه أنا . بقولها. ليكم

فيه رب ..كريم ..غفار

بدعي .. ربي .. يهديكم

و ربنا .. رحيم .. ستار

يلي .. بعتم .. ضمائركم

أيه .. آخرة .. المشوار

بكره إللي عملتوه فى غيركم

هيترد عليكم في الدار

أوعوا .. شيطانكم .. يغركم

دا .. ربنا .. منتقم .. جبار

افرحوا .. يومين .. بأيمكم

واللهِ  .... الزمن .... دوار

يلي .. بعتم .. ضمائركم

وديتم فين بس الضمير

راحت فين طب عقولكم

لما .. تمسكوا .. المزامير

خلاص .. نسيتم .. أنفسكم

الله .. يرحمك .. يا ضمير

يلي .. بعتم .. ضمائركم

القلب والله عليكم 

.....................

بقلم / محمد عامر

والقلب مليان بالوجع ... للشاعرة / مايسه العشى

والقلب مليان بالوجع

لما ضاع حلمه اليتيم

دابت شموعه بين الدموع

كتر الأنين جوه الضلوع

والنبض آه آصبح حزين

يوم ما اتوجع

لم خيوط المستحيل

يغزل بيها ثوب أمل

نشف دموعه باابتسامه

سكتت حروفه عن الملامه

دارى جواه حزن السنين

فى قلوب مات فيها الحنين

....................

بقلم / مايسه العشي

 Maysa Al Ashy

يا حلوة الحلوات .............للشاعر/ محمد الشيمي

يا حلوة الحلوات والشوق ملا عيني

ف ثغرك يا صبية مليت دواويني

صابني سهم الرمش سكن ف قلبي

نزف الوتين عشقك ومين يداويني

.........................

بقلم / محمد الشيمي

اجااااااااازات .... للشاعر / أحمد أبو عاصم

أيوه نتكلم ...... للشاعر / حسن الشوان

   

 

     أيوه نتكلم أيوه نختلف     

 وعمرنا ما نكره بعض

 الحوار في كل موقف

 أخد وعطا وعرض

 بالاحترام الرأي مختلف

 والأصول علينا فرض

 ومستحيل يوم نستلف

 احنا ستر وغطا ع بعض

 عشنا ظروف دوقنا محن

 وشربنا من قاع الأرض

 كله يهون عشان الوطن

 وحب الكراسي مرض

 ومستحيل تفرقنا الفتن

 أو نفرط في حق البلد

.................

بقلم / حسن الشوان

برج الحمام ..... للشاعر / عوني هشام

طلعت برج الحمام

وعشت وسطيهم 

عرفت معنى الغرام

احترت انا فيهم

حفظت منهم تمام

وقلت اوريهم

طار وليفى بعيد

وشوقى ف عنيهم

 رد عليا الدكر 

 قوم بس لاغيهم

 بالحب ويا الهوى

 حضنك. هيأويهم

..................

بقلم / عوني هشام

مش ها عاتبك ...... للشاعر / سعيد عباس الضو

مش هاعاتبك ع إللى راح 

ولا ح الومك 

أنا قلبى من طول الجراح 

أدمن همومك 

ومادام بقينا في الهوى

قسمه ونصيب

خلينى اطيب في اللقا 

لحظه قدومك

..........................

بقلم / سعيد عباس الضو

متع فؤادك ..... للشاعر / سامى ابو الغيط

متع فؤادك بالهوي

فالعين يؤثرهاالضياء

والقلب باللهب انكوي

والبدر تعشقه السماء

والعشق للعشاق.. داء

والورد من دمعي ارتوي

......................

 بقلم / سامى ابو الغيط

كفاك ثملت .... للشاعر / عبدالرحمن ابو قصي

كفاك ثملت‏

.............

تـقول كفاك عتابي مللت 

وكـان عتابي عقيم فكنت

أريد جواب سـؤالي وكانت

تبوح بهمس علـيك فهمت

تقول بقائي يـزيد شـقائي

كفاك حبيبي عـذابي سئمت

حـرام فكيف أطيـق حياتي 

أراك حبيب فؤادي جــننت

فجاءت تريد لقائي وكانت 

دمـوعي تقول إليها قبلت

أشـارت تعال فحان عناقي

أراها تريد عناقي بـصمت

تجود دموع حـبيبي فسالت

رحيق يصيب شفاهي فذقت

نبيذ يذاب بنار غرامي

فـكانت تقول كفاك ثملت

..........................

بقلم / عبدالرحمن ابو قصي