وريد الغربة . للشاعرة / امل الطهطاوى

فوق وريد  الغربه 
بننزف ألم 
وال سطر طريقه
م  الضحكه اتحرم
................................
 للشاعرة /  امل الطهطاوى

الفطرة ... للشاعر / أحمد أبو عاصم

فطرتك ف الأصل عفة
ليه بتهبش ... بالنياب
ليه تكابر .. وانت نطفة
ثم ف الآخر ... تراب
..............................
للشاعر / أحمد أبو عاصم

أجنة النور .. للشاعرة / أميرة القزاز

أجنة النور
.............
مازال عطر روحك  
مذبحي
وروًح عينيك مصلبي 
حين طيفك تتراجع 
كل مواجعي 
حين سطوه همسك
علي 
تنهايد عقلي تضيع 
هيبتي 
وأبقى بالهوى عصفوره 
تحت 
جناحيها دفء تلملم 
بيضها من اجنه النور 
لعالم 
به تعشش شمسك فقط 
هي لي 
اغفاءة قلب 
هي لي نوري ومشرقي  
 ............................
 للشاعرة / أميرة القزاز
Amira Mahmoud

بلد الأمان ... للشاعرة اسماء علي

فين بلد الأمان
ودار عمى وخالى والحنان
لما كات اللقمه تجمعنا
على حب ولمة ما تفرقنا
شرقنا وغربنا وغرقنا
فين دار الأمان
لما كان جدار بيتنا
ساطرين ومكشوف للجيران
كانت أمى أم لكل الجيران
ولقمة العيش تكفى الشارع 
نوزع قبل ما نشبع 
فين دار المحبة والسلام 
وجارى اللى بيسأل عليا
وصاحبى اللى سافر
ونسي ملامحى قوام
حتى أختى وأخويا
ما بيهتموا كمان
فين دار الحكايات واللمه 
والطهارة بين الناس والذمة 
فين دار الحبايب
لما كنت أصحا بدرى
وراكية النار جنب أمى 
والعيش سخن كمان 
فين بلد الأمان
والسؤال عن أهلى ياناس 
دا لما مات جدى 
حزنت كل البلد زمان
هتقول ياسلام 
ماعرفت معنى اللمة
وحنان الأم أمان
الأم أم بس صدقنى 
ضاع الأمان
........................
من بلد الأمان 
الشاعرة / اسماء علي

قالوا شاعر .. للشاعر / محمد عباس

العيون كلامها ... واعر
صحى فينا كتير مشاعر
خلى قلبى غرامه زاد
ومن جنوني قالوا شاعر
.......................... . 
 للشاعر  /  محمد عباس  

أعيش حلمي ........ للشاعرة / أنهار سلسبيل

أعيش حلمي  
................ 
مليكي ونبض قلبي حبيبي 
وهبتني الحب واحييتني
جعلت مني فراشة تعتلي
عرش كتفك بك تحتمي
جرعتني حبك بترياق بلسمي
عشقتك وأصبحت كل عالمي
ماعرفت الحب يومآ يطرق بابي
طرقت الباب واحتويتني
ربي كيف العيش دونه لاادري
تملكني وماكنت أملك نفسي 
هاقد سمعت صوته كلمني
ذهبت اختفاءا منه لعالمي
عالم الخيال يجمعنا برضابه ألثمني
وبضمة من الأعماق أعيش حلمي 
.............................. 
للشاعرة /  انهار سلسبيل

لعب حروف .. للشاعر / حسن السحماوي

يا بنت كفاية لعب حروف
 بقينا خلاص على المكشوف 
 فى حكمة قالوها أهل زمان 
 تخاف حاتموت أكيد م الخوف 
..................................
 للشاعر / حسن السحماوي

صباح الفل .......... للشاعر فهمي علي نصر

صباح الفل من بدرى 
و قبل الخلق ما تصحى 
صباح على اد شوق روحى 
لضحكة حاضنة 100 فرحة 
صباح يشبه صباح يومنا 
بكل ما فيه و انا جنبك 
و باقطف م الخدود وردة 
و باهديها إلى قلبك 
صباح و الله يشبه لك 
و طالل م السما ليكى 
قصيدة شعر منظومة 
بتوصف عشقى لعنيكى 
و طاير من هنا لعندك 
معاه شجرة غرام طارحة 
.................................
للشاعر / فهمي علي نصر

العدل .. . للشاعر ابراهيم القاضى

مدام الوارد .. حـنان
يكون الأمان صادره   
العدل كلمة  ..  ميزان
نور الزمان من صدره    
...............................
للشاعر / ابراهيم القاضي

الاسراء والمعراج ............ الشاعر ابراهيم رضوان

كان البراق أمواج  
و لا حد شاف طيفه
إسراء..معاه معراج  
و الهادي داس خوفه
و رجع لنا يشرح   
عن كل سنتي رآه
شجر السما يطرح  
فاكهة رسول الله
ما بقاش خلاص مطرح     
غير للي كان وياه
لا كسوف..و لا إحراج   
ساعة ما بنشوفه
.................................
 للشاعر  / ابراهيم رضوان