عرضوا عليا ... للشاعر / محمد البسيوني

بدل الفؤاد 30 فؤاد 
 عرضوا عليا أكون أمير 
 على عرشهم  
وعشان هويت حبك رضيت
 إنى أكون ليكى أسير 
 ورفضتهم 
...............................
للشاعر / محمد البسيوني

زاد الغلا ......... للشاعر / محمد واصل

زاد الغلا والبلا 
ومتسلطه الأبدان
ضهري بايت في الخلا
وبطن الجعان ما تنام
والقفا آه من القفا
وعد الدفا ما تصان
............................
للشاعر / محمد واصل 

طيفك يا الغلا .. للشاعرة / انهار سلسبيل

 طيفك ياااااالغلا 
......................
ليتني غلاك يالغلا أفديك
حبك نار وجوى الروح هاويك
جيتني بحب وكلامك حلا
جيتك من ترياق شوقي أسقيك
سمعتني حروفا لها صدى
عزفت حروفك أغني وأشجيك
يا هناي وسعدي باللي لفا
القلب رقص والعيون نورهاأداريك
يا نبض قلبي خفقاته اعتلا
بصوت العشق صرخ أبيك
يا شهد الشفاه ورطب الريق
بعد اللقا ما عاد في تفريق 
جيتني بالحب تريد وصالي
فتحت قلبي ضميتك بأحضاني
روحي عانقت روحك بحنيني 
قلبك عانق قلبي واحتواني
بعد اليوم ماأقدر تجافيني 
أسهر انتظرك وانت تنساني
روحي تناجي روحك لا تعصاني 
كفاني صبري وكثر انتظاري 
أريد حبنا ينعم بهيامك وهيامي 
...............................
للشاعرة / انهار سلسبيل 

لما جيتنى ... للشاعرة / راوية حسن

لما جيتني فى عز فرحي
ومن حنان قلبك عليا
قلت للأحلام ماتصحى
ده الحبيب هالل عليا

وفكرت انك تجيني
وتحسسني كمان بقربك
قلت حبيبي مش ناسيني
واعيش الأفراح فى قربك

جيت تحقق لي الأمانى
ياللي حبك حاجه تانيه
لو ترجع لى زمانى
كنت احبك كل ثانيه

شوقي للأحلام واخدني
وانت جنبي ومساندني
قلت يالا تعالى خدني
ياللي حبك كان حاسسني

............................ 
للشاعرة / راوية حسن

مدينتى على ضفاف النيل ... للشاعر / حسن السحماوي

 مدينتى على ضفاف النيل  
...............................

أوشكت فى الليل 
أن أكتب معانيها 
وأرسم حروف العشق 
حبا .. كى أناجيها 
فهى منى .. وأنا منها 
وروحى تحتمى ... فيها 
منها .... ارتويت 
من نيلها .... دفء 
فيها انتشيت 
من روض .. أغانيها 
وعلى رباها ..كسيت 
بزهرها ..... قلبى 
فهى الحضارة ....
وحصن الله .... يحميها 

...............................
للشاعر/ حسن السحماوي

داري جمالك .. للشاعر / سعيد عباس الضو

دارى جمالك يا حلوة 
ل يحسدوكى الناس 
على الخدود غنوه 
متلحنه ب إحساس
كتبت فيكى الشعر 
قالوا مغنااااوى 
كتمت أنفاسى
قالوا دا براااوى 
دا الحب دااا بلوى 
ب يحير الأفكار
يخللى قلب الحجر 
أخضر كما الأشجار
طب قلبى يعمل أيه 
اللى إنتى ساكنه فيه 
جسر الحديد اتكسر 
ومن الجمال إنهار
ليه عايزه قلبى أنا 
ينبض وجواه نار ؟
.................................
للشاعر/ سعيد عباس الضو

وحشانى .. للشاعر/ سعد حماد

وحشاني
..........
وحشاني يا حياتي
في أول غربه ليا
وحشاني ياحياتي
وصورتك دايما في عنيا
وحشاني وانتي قريبه
وحشاني وانتي بعيده
ولأنك أجمل حبيبه
كلمة وحشاني شويا
فين ضحكتها فين
لما كانت بتضحكلي
الشوق جوايا شوقين
والدنيا ملكي لوحدي
أشيلها جوه العين
حبيبتي الغاليه ديا

........................ 
للشاعر/  سعد حماد

ساعات ... للشاعر / ابراهيم بدر

ساعات بحس نفسى غراب 
وشؤمه بس على نفسى
وعايش وسط ناس أغراب 
وبقول للدنيا ليه تقسى 
عايش فى عزلتى أبكى 
ولا ليا من البشر أحباب
طب ممكن يا دنيتى تردى 
على سؤالى اللى دوبنى 
هو انا انسان بجد 
ولا انا أصلى غراب 
.......................... 
للشاعر / ابراهيم بدر 

Ebrahim Rdwan Ebrahim Badr

لقلبك السلام ... بقلم الأديبة / سميرة عبد العزيز

لقلبك السلام 
................
يا حب يسكن الوجدان 
أقدم قربان السلام 
وأتوج نفسى . لأجل العيون  
يمزقنى شوقى . حتى فى الأحلام 
أركض خلف ظل . ملامح حبى 
اتناثر عبير . على شاطئ الأوهام 
لقلبك السلام يا محبوبتى
 تمزقى فؤادى وتسرقى
بعض لحظاتى
تغتلسى النظرات 
وتعبثى بدفتر أشعارى 
تعاندى الوقت . وتغازلى قلبى 
تحدثنى من خلف الستار
تشاطرنى الإنتظار 
يستعد الصبر 
ويلملم بعض أحوالى 
ويرحل دون إخبارى 
لقلبك السلام يا معشوقتى
يا حب له المقام 
........................................
بقلم الأديبة / سميرة عبد العزيز

تاهت ملامحى ...... للشاعر / على شحاتة سليم

تاهت ملامحى
بين الوجع والآه
لا عدت أنا أنا
ولا عاد لفرحى صداه
ومشيت طريق
كل الحوارى سد
غمضة عينى 
لما الأمل اتهد
يا بكرة قوللى
انت شكلك أيه
وأيه اللى فاضل
أبكى عليه
..................................
للشاعر / على شحاتة سليم