شيلوني الهم بدري ... للشاعر عادل حماد

شيلوني الهم بدري 
من غير أي ذنب عادي 
قلت ماشي علشان حبايبي 
أتاري هما اللي بيظلموني 
ولو قلت يوم مظلوم يا عالم 
حرام عليكم ارحموني 
ليه مش عاجبهم بس طبعى 
ونفسهم قال تيجي مني 
يعني أضحك على نفسي 
ولا أضحك الناس عليا 
يا إما أعيش مظلوم تملي 
ومهما أصرخ كانه عادي 
شيلوني الهم بدري 
من غير أي ذنب عادي 
قلت ماشي علشان حبايبي 
أتاري هما اللي بيظلموني 
وليه لما أقول لى الظلم لاء 
بيزعلوا 
لا وأيه كمان دول بيلموني 
عايزنى اشوف الظلم وأسكت 
كأني أخرس مش بس أعمى 
صدقوني ده الغريب أحن منهم 
يمكن عليا معرفش ليه 
دايما ظالميني كل شويه 
طب اعمل إيه 
ماكنش ينفع أقل باصلي 
ده اللي خلانى خدت فى نفسي 
والله يعيني ع اللى أنا فيه 
شيلوني الهم بدري 
من غير أي ذنب عادي 
قلت ماشي علشان حبايبي 
اتاري هما اللي بيظلموني
...........................
 للشاعر / عادل حماد

من بعد غيبة ... للشاعر جابر سليمان

من بعد غيبة
................
شيطان الشعر قام صاحي
ينفض م التراب كفين
يغمض عين ويفتح عين
ويتطلع على الماشي
ويستغرب على الواقفين
ويضرب كف والتاني
يكون شاهد من الشاهدين
على مرّ الحياة صابر
وفوق أنف الزمن قاعدين
نحايل الضحكة تسمعنا
ونقرصها من الودنين
كأن عتابي فرّحها
ومرمغها على الجنبين
ما دام فيه قلب بيرفرف
هيخلق للأمل جناحين
.............................
للشاعر / جابر سليمان

أنت منى ... للشاعر / احمد علي السبكي

  أنت .. مني
.................
ياللي كلي زي كلك
انت مني وانا منك
لو وجودك فات وسابني
ألقي نفسي جوه منك
ياللي كلي زي كلك
الوشوش لها شكل واحد
والقلوب صاروا قلب واحد
حتي نظرة عيني منك
هي نظرة لشكل واحد
ياللي كلي زي كلك
حسي والله برضوا حسك
صوتي صوتك حسي حسك
لو مشيت ألقاني ماشي
جوه منك جسمي حسك
ياللي كلك زي كلي
...................................
للشاعر / احمد علي السبكي 

ابدأ كلامى . ..للشاعرة / فيفي الجندي

أبدأ كلامي بحب الإله
والصلاة علي المصطفي
خير الأنام
وحبي لذاتي لا يمنعني
عن الصلاة وذكر الله
يمكن في يوم ألاقي
كنز من الحسنات
ورضي ربي هو كل مرادي
والجنة هي أصلي ومرجعي
تحت التراب عظمي اللي داب
وروحي بين أصبع الرحمن
اللهم ثقل موازيني 
واعطني كتابي بيميني
يارب العالمين
............................
للشاعرة / فيفي الجندي

  

على ذمة البهجة ... للشاعرة / اميره القزاز

على ذمة البهجة
.....................
مع خيوط الصبح 
سرقت من الشمس 
ضوء قرمزي
من أقداح الانتعاش 
سكبت ابتسامه قلب 
عفوي 
من انفلات البهجة 
زركشت الساعاات 
والوقت 
نثرت براعم نور بلا حد 
تدلل الروح تنثر
العبير تزاجل النهار
شغفية عيون الأمل 
تكسر اعناق الضجر 
تعدي حدود الصمت 
.............................
للشاعرة / اميره القزاز

لحن العشق ... للشاعر/ مجدى فرحات

لحن العشق بيرنم بأوتاره
خلجات شوق بنغم يا جمالو
نفسي أنا أشق سكه لأخباره
وإن لامني عزول أقول ومالو

..............................
للشاعر / مجدي فرحات

الحكاية واضحة خالص ........ للشاعر / نبيل العادلي

الحكاية واضحة خالص ليه تقولو فى غرابة
الأغانى هى هى والديابة أكيد ديابة
والحصاوى ودنه طله أصله خايف عند علة
ياللى مسنود على اللى بره بكرة تطلع بالفانلة
........................... 
للشاعر / نبيل العادلي
Nabil El Adly

أود أن أصول . للشاعر / عبده يونس

أود أن أصول وأن أجول بين ومضات قلبك
أن آتيه شوقا وأموج موجا بين حنايا نبضك
فإن جوادى لا يعرف الصهيل إلا على صدرك
وبلابل وجدى لا تعرف التغريد إلا على ثغرك
فدعينى أعربد أمزق أزلزل سمائك وأرضك
...........................
للشاعر / عبده يونس 

أنا الفيلم ........ للشاعر / وائل الجزار

أنا الفليم اللى مات بطله
أنا الشمس اللى ملهاش نور
أنا القلب اللى مش بيدق
ومن كتر الألم مكسور
أنا بكره اللى مش بيبان
أنا الذكرى وانا الأحزان
أنا النسمه اللى وسط الشرد
أنا التايه من الأيام
...........................
للشاعر / وائل الجزار

فاتنى حبيبى . الشاعر / سعيد الضو

فاتنى حبيبى وفات 
لى القلب فيه غصه 
كل اللى كانوا يغيروا 
نسجوا م الخيال قصه
ولا هديوا ولا ارتاحوا 
إلا أما فرقوا بينا 
من بعد ما كنت ب أنام 
واصحى على فرحه 
واشوفنى في الأحلام
ب ألبس الطرحه 
وكل اللى بطلبه ألقاه 
كأنى في الجنه 
دلوقتي بتمنى 
من الحبيب بصه 
..................................
للشاعر / سعيد عباس الضو