حالة !!! ...........للشاعر / أحمد أبو عاصم

  حالة !!!  
..............

أهيم غراما
وعاشق ظنوني
فنوني ومجوني
جابولي اكتئاب

وافكر ف موتي
وغسلي وحنوطي
وحزن اليتامى
ونومة التراب

وابص لعيالي
واتذكر أمالي
وارجع إيماني
من حالة الغياب

واحاول ابطل كل المساوء
يعودلي غروبي من أقصى المشارق
وابص ف مرايتي
وابطل عتاب

يزيد اضطرابي
واستمرأ عذابي
واعيش التناقض
وافوء ع السراب

معادلة ف كيميا
ومحتاج لحميه
تخسس دهوني
وادوق الكباب
..............................

للشاعر /  أحمد أبو عاصم

سهران الليل ........... للشاعر / بهاء اللبودى

سهران الليل
.............

سهران الليل بردان فغطاه
شايف تعابين العتمة طشاش
واقف بالدور عشمان بآدان 
وشعاع من نور حامى و قشاش ..

صابر عداد لشهور وسنين
خايف من وهم حقيقى ودين
مسحول بحياة البنى آدمين
مستنى الفرح ولسه مجاش ؟

يا اخوانا الفرح جريح مغلوب
جوانا الخوف من بكرة ذنوب
وانا خوفى الوقت يسيح ويدوب
يهرب بالصبح فسهوة بلاش

و الصبح ده نور من عند الله
اعمال واشغال وامل وحياة

......................... 

للشاعر / بهاء اللبودى

ليلة القدر الليلة .... للشاعر / سعد حماد

ليلة القدر الليلة
...................
ليلة القدر الليلة
ليله حلوه جميلة
علي ضوء القمر 
وهلاله
يحلالنا السهر
وجماله
نخشع للرحمن
علي بابه
والخير هايعم علينا
كل لحظه وثانيه
بنستني الليله الغاليه
وندعي يارب تطول
ونحي لياليها علي طول
هي لينا النور
بتفرح كل العيله
دي ليلة القدر الليلة
..........................
للشاعر /  سعد حماد

الضمير العربى ... للشاعر وليد العايدى

.. الضمير العربي..
..الضمير العربي مات مات..
..بكفايه كفيانا جبن وسكات..
..
الدم بالوطن العربي شلالات..
الله يرحم الزعيم الأسد السادات
..
والله بنعشقك ليوم الممات..
م بعدك كأننا عايشين بغابات..
..
دول عظمة انهارت وحالتها بحالات..
وملوك عايشه للهلس و الستات..
..
وناس كل حياتها أفلام ومسلسلات..
وناس غلابة بتموت بكل الأوقات
والقهر جواهم بالساعات.. 
....................................................
للشاعر/ وليد العايدى 

ليه يادنيا أحبك .......... للشاعر / البدرى ابراهيم

ليه يادنيا أحبك وأعمل فيكى بيت

مهو أنتى معذبانى وخلتينى منكى أنكويت

حطمتى نفسي فى المى وهمسي وأستويت

أنا اللى من قليل الأصل حتى أتبليت

شربت المر طول عمرى حنضل وبيه حليت

شيلت روحي على أيدى وببحورك عديت

بنبض قلبى غيرك أنت ربى ماشكيت

............................. 

للشاعر / البدرى ابراهيم

أتغنيك أى امرأة عنى ... للشاعرة / راوية حسن

أتغنيك أى امراة عنى
أتحبها كما تحبنى
غريب عندك مفهوم 
الحب
فأنت تفعل كما من 
يستغيث من النار بالرمضاء
فلا أملك سوى البكاء
ليس لحالى
إنما لحالك
لماتفعل بى وبك
كل هذا العذاب
وتستغيث
من النار بالرمضاء
أهو عذاب للنفس أم أنه
عذاب لمن تحب
لا يليق بك العذاب
أبحث عنى قليلا
ستجدنى هناك
عند أول شجرة 
ياسمين 
أنت من زرعها
ورواها بحبه
وبنبض قلبه
فكيف تتوه عنى
وتأخذك الغربة منى
أتسميه حبا 
فإن أسميه عذابا
..............................
للشاعرة / راوية حسن 

مسحراتي استايل ( مفوقاتي ) .......للشاعرة / سميرة محمودي

مسحراتي استايل ( مفوقاتي ) 
.....................................
علي بابي نادا ومعاه موبايله 
هو اللي شايله وطبلة نووه 
عمال ينادي ويقول ياهادي 
وعيال حارتنا هيجننوه

بيلفوا دايرة وعيونه حايره 
والقصة طايرة 
يا عيال سيبوه 
مفوقاتي سهران ليلاتي 
علي الفيس ياهوه 
بنادي فافي واقول عوافي 
يا حجة صافي ابنك شوفيه 
من صاحبه بره دي العيشة مرة 
و الصحبة ممكن يغيروه 
يشرب يدخن او يبقي مدمن 
يقولوا له جرب ويعلموه 
ما تفوق يا نايم باللي انت هايم 
وليلاتي بره عامل عزايم 
وسايب لي بيتك ولا فيه رقابة 
ولا يحزنون 
بتقضي وقتك ليه كله بره 
جايب لحرمك ميت الف ضرة 
والبيت لوكانده او بانسيون

وانتي يا هانم يا ام الهوانم
اهتمي حبة بالبت رومبا 
ع الواتس صاحية شوفي مين صاحبها وبلاش تكوني ف البيت كرمبة

مفوقاتي وحياة باباتي 
للناس باصحي فيهم ليلاتي 
فوقي يا انطي ياباشا فوق 
انط ام عبده عاملا له
محشي وقاعدة تحكي 
ف كلام كبير
الاسم صايمة
وقايمة نايمة 
جايبة في سيرة نهلة وعبير 
لسانها فاطر وان كنت شاطر
احفظ لسانك 
الغلطة منه دا شئ خطير
مفوقاتي 
بالف انادي واتعب كتيير 
ما بقتش خالص 
بياع حارتنا افورها خالص 
بيغلي جدا والطاق طاقين 
ورجالتنا ع القهوة قاعدة 
و بدال ما تشقي تقعد 
تغني ياليل ياعين 
وانا اه بافيس
ساعات باهيس 
لكني صاحي وف شغلي ريس 
مابنامش يوم 
مفوقاتي وحياة باباتي 
قومي يا لولة يا ميمي قوم 
خلونا نبني ونبقي وحدة
لينا كلمة واحدة وقت اللزوم 
مفوقاتي وحياة باباتي 
ولا فارقة طبلة وشكل الهدوم
...................................
للشاعرة / سميرة محمودي

تلك ليلة ...... سميره عبد العزيز

تلك ليلة 
...........
تلك ليله صحبتها 
مسك ونفحة نسائمها 
تلك ليلة قدر يامحبتها 
فى النفوس والروح تسكنها 
تلك ليله يا قمر 
ينسج خير مجالسها 
الدعاء يرفع فيها 
والخير خير مؤنسها 
وآذان الله أكبر يحرسها 
تلك ليلة حافلة ببركتها 
والقرآن ذاكر خيرها 
وربى لها وبها 
تلك ليلة مبروكة 
بجمال تسابيح ملائكتها 
هيا اسجدوا واركعوا 
وادعوا المولى تجدو 
الخير دائما وأبدا 
تلك ليله أنشودة 
فى قلوب المؤمنين
محفوظة 
يارب اجعلها ممدودة 
تلك ليله مبروكة 
تلك ليله مبروكة 
..................................
للشاعرة / سميره عبد العزيز

  

تمهل يا رمضان ....... للشاعرة حسناء مصطفى

تمهل يا رمضان 
......................
تمهل يا شهر الغفران 
يا شهر الرحمة 
والعتق من النيران 
فمن حر فراقك الفؤاد قد تمزق 
والدمع عليك قد تدفق 
فعسى أن نكون
بركب المقبولين لحقنا 
ومن النيران قد عتقنا
فلا تفارقنا
إلا وليلة القدر قد دركت
والفردوس اﻷعلى لنا حققت
.................................
للشاعرة / حسناء مصطفى

فى حب مصر ........ للشاعر مجدي فرحات

  في حب مصر 
.................... 
مش عارف أقولها
ولا أكتمها جوايا
بس بكره مسيرها
تبقى قصه وحكايه
يا خوفي لو قالها
قلبي مره وهوايا
مدوخاني بسمتها
كل ما ابص بمرايا
آه يا ناس خطوتها
عود بيعزف غنايا
لو  الناس سمعتها
أكيد أم كلثوم ويايا
معيشاني آه فرحتها
وفي كل يوم روايه
مبتفارقنيش ضحكتها
هي فرحي وهي دوايا
ليه طالت علي غيبتها
ومين غيرها ليا هنايا
يارب فرحها واسعدها
بقلوب ناسها وطيبتها
مصر الأصل والروايه
آه من حالي بغربتها
شوقي لنيلها والملايه
ملوش غير آه سيرتها
ست الحسن والصبايا
تايهه مني والله سكتها
حكم القدر وربي معايا
لما باشم عطر ريحتها
على ناس رايحه وجايه
بحس أنا عرفت سكتها
مصر هي الروح وهوايا
...............................
للشاعر / مجدي فرحات