مجلة ثقافية أدبية فنية
السبت، 21 مارس 2026
الجمعة، 20 مارس 2026
الأحد، 15 فبراير 2026
السبت، 14 فبراير 2026
الظلم ... بقلم الشاعر / شعبان محمد بدر
الظلم
الظلم عاش عادة
فرعون دا كان مصري
وظلمه كان حصري
كافر و عصي ربنا
واتغر بزيادة
بين الحشم والخدم
أفتى بأنه إله
وطالبنا بعبادة
وسحرته جنبنا
رفضوا غير العادة
سحرتنا ليه خضعوا
وسجدوا يا سادة
السحرة كانوا زمان
ماشيين ع مبدأ
نخدع عيون سذج
نرمي الحبال تعابين
نسحر ف طرفة عين
لكن أمام معجزة
للحق مش ناكرين
آن الاوان نخضع
كانوا مننا أصدق
موسي كليم الله
رغم أنه سكن القصر
رفض يبيع الحق
فرعون طلب تفويض
كان رده واضح لأ
ربك نصر شعبه
والبحر ليه إتشق
من ربه كان مأمور
فالجند مات مغمور
وكان مصيره هلاك
اخرة جيوش الزور
ما تشوفش أبدا نور
يا كل بوق كداب
مهما علي صوتك
بكرة يجيك الدور
وآخرة فيها حساب
روجت ليه للقهر
الكدب مش مهنة
والظلم زي الكفر
بدون ولا تبرير
لو تحته فيه ١٠٠ نهر
بقلمي
شعبان محمد بدر
الجمعة، 13 فبراير 2026
الثلاثاء، 10 فبراير 2026
الأحد، 8 فبراير 2026
السبت، 7 فبراير 2026
الجمعة، 6 فبراير 2026
الخميس، 5 فبراير 2026
كل مرة ... بقلم الشاعر محمد مصطفى
كل مرة
كل مره يا قلبي نصبر
ننجرح
كل مره نقول هنحيا
ونندبح
والشوق ياخدنا والآه تجيبنا
ونفضل كده
نقول نصيبنا يبعد حبيبنا
وليه كده
كل مره يا قلبي انا وانت في آلم
كل مره الجرح لينا والندم
والليل سارقنا ما احنا اتفارقنا
عن بعضنا
نقول تعبنا ولا يوم صعبنا
علي حبنا
هتدور السنين ويلف الزمن
وهييجي حبيبي ويدفع التمن
هييجي بدمعتين وجواه الامل
وهو الغدر طبعه ولا مره يؤتمن
بلاش تضعف يا قلبي
وتحن للي كان
انساه ارجوك يا قلبي
هو بعينه اللي خان
اياك تقول يا قلبي
دا حبيبنا بتاع زمان
وليه نصبر يا قلبي
ع الجرح والهوان
هتدور السنين ويلف الزمن
وهييجي حبيبي ويدفع التمن
هييجي بدمعتين وجواه الامل
وهو الغدر طبعه ولا مره يؤتمن
كلمات الشاعر الغنائي/ محمد مصطفي
الاشتراك في:
التعليقات (Atom)
فن البوستات كمال العطيوى
-
تحليل وشرح لحن قصيدة ( دعاء الشرق ) كلمات / محمود حسن إسماعيل ألحان وغناء / محمد عبد الوهاب اللحن والموسيقى من مقام (الرست) ال...
-
إسمحي ف حضرت جنابك أعترفلك بالحقيقه قلبي أهملتيه ف سابك وانتي ماطلعتيش بريئه إدعيتي إني إنتهازي وإني ظالم وإنحيازي وف غ...
-
تغريدة الشـــــــــــــعر العربي السعيد عبد العاطي مبارك – الفايد ( مصـــــــــر ) ----------------------------...
-
اهداء بمناسبة شهر رمضان الكريم وكل عام وانتم بالف خير شرح وتحليل لحن ( رباعيات الخيام ) على وزن بحر(السريع والخفيف والرجز) ع...
-
أنا وقلبي وأنت بقلم // سليمان كاااامل .... ********************** يهتز طربا حين لقياك يهيم وجدا بنور رؤياك ........ أقول ...
-
الشاعرة / إيمان محمد انا العاشقة لأيامه و ما أزعل مرة لملامه وكل شيء له ...
-
أمر عادي اللى بينى........ وبين بلادى شيئ طبيعى.... وأمر عادى يعنى عادى...... ألقى نورها جوه شريانى......... وفؤادى م الطبيعى....... أبق... -
قلت لهم ذات يوم اني أصلي إماما بالقمر كذبوني وقالوا مجنون علمت بأن قلوبهم كالحجر وبلغوا أرذل العمر لكنهم لا يعشقون .......................... -
في قريتنا ديك بيأذن ولابيصليش ديكنا بيحضر كل أوان لما نكون عاوزين إنسان يمثلنا لاجل نعيش ديكنا يأذن تلاقي دجاجاته واقفه وراه ونافشه الري... -
معنى كلمة الله 🥀 🥀 🥀 🥀 🥀 🥀 🥀 🥀 🥀 إسبانيه تشرح معني كلمة ( الله ) بعد أن عجز عنها العرب ... هذه الفتاة الإسب...
