التقيتك ....... بقلم الشاعرة / فكريه بن عيسى

 

قوم وسلم ...... بقلم الشاعر /هشام الجوهرى

 

قوم وسلم

ع اللى ربى

واللى أدب

واللى علم

واللى عقلك

قبل منه

كان مضلم

بوس له إيده

دا اللى علم

عقل جاهل

يبقى سيده

قوم و قول

لولا علمه

كان جهلنا

ممكن يطول

قوم وعبر

يلا كبر

ع المهانه

والإهانه

و جهلنا

بكلمة أصول

قوم وعَلِّى

الصوت وقول

دا المعلم

قرب بعلمه

يكون رسول

دا المعلم

قرب بعلمه

يكون رسول

 

 

 

هرم رابع ..... اهداء بقلم الشاعر / يوسف أبو زينة

 

طلع بوشين ...... بقلم الشاعرة / تقى فهمى على

 

وردة فى كتاب العربى ......... بقلم الشاعر / اشرف الشناوى

 

 

وردة فى كتاب العربى

الليل مسامير

بيدق فى نن عينيك

أوجاع

ويشخبط ع الجدران

وبيرسم عفاريت

ودموعك تغسل قلبك

وتهز الافراح

وتدور على روحك جواك

وحليم بيغنى لفاتن اهواك

لساك مستنى الحلم

اللى حلمته زمان

والبت اللى صورتها

مش عاوزه تفارق بالك

فاكر ضحكتها

اللى بتخطف قلبك خطف

فاكر فى عينيها

الصبح النور

فاكر شفايفها البنور

فاكر برفانها المشهور

فاكر اول ورده اديتهالك

ورسمت عليها خيالك

خبيتها فى قلب

كتاب العربى  معقوله

قلبك لساه بيدق

من سنه أولى

أول ما تشوفها بياخدك

شوقك تانى

وتحس بدق جديد

مش برانى

معقوله بترسم لسه

فى ملامحها

مع إن الوجع اللى فى قلبك

من ايدها

وهتنسى الجرح

اللى بيكسر فى ضلوعك

ودموعك

والليل اللى بينهش قلبك

زى الكلب المسعور

معقوله تلف الدنيا وتدور

وتمد لقلبك حبل النور

وتحس بروحك  زى ما كانت

طايره زى العصافير

والشوق بيزق الباب

وبيزرع قلبك ياسمين

معقوله هترجع م الاول

تستنى البنت أم فيونكه

وغمازتين

مع ان الليل بيدق

فى قلبك مسامير

ف إزاى راح تفرد

فى جناحك وتطير

وتصيد من تانى العصافير

صدقت خلاص انك ميت

والبنت اللى انت بتعشقها

طلعت رسمة طباشير