صبح الصبح يصبح
والأفراح راح تفرح
والأحزان ف قلوبنا
ماليها مكان أو مطرح
حلمك علشان يكمل
دايما فيه روح واسرح
حتى إن كان فوق نجمة
بين ملكوتها بتسبح
حبك مضمون عيشه
تسقط فيه أو تنجح
لو هيعذب فيك
أياك يوم ليه تجرح
رد الفعل بفعله
لو بيفيد وبيصلح
كنت هقولك خاصم
وما تسامح ولا تصفح
حب بحبك عيش
حب الناس شيء أربح
كل أطماع الناس
ف حاجات غيره مش أرجح
أرجع بينا يا زمان
شوف بعيونك وألمح
ركز قوي ف الصورة
لازم الصورة هتوضح
إحكي وقول يا زمان
عن خير شجره بيطرح
عن دار فاتحة أبوابها
لكل الناس لو تسمح
ود الناس للناس
إحساس خيل وبيرمح
حب الناس للناس
فلاح ف أرضه بيفلح
قرب الناس للناس
زي عصافير بتسبح
صبح الصبح يصبح
والأفراح راح تفرح
الراااوي
ليست هناك تعليقات:
إرسال تعليق